Быйыл Саха Өрөспүүбүлүкэтин Национальнай библиотеката тэриллибитэ 100 сылын бэлиэтээтэ.

Бу бэлиэ үбүлүөйдээх сылга Таатта улууһун Октябрьскай нэһилиэгэр (Чөркөөххө) төрөөбүт, 1963 – 1975 сылларга  А.С.Пушкин аатынан библиотеканы бас салайбыт Захар Тимофеевич Тюнгюрядов  (05.09.1915 – 01.01.1975 сс)  төрөөбүтэ 110 сылын туолбута.

Кинини тыыннааҕар «Реформатор якутской библиотеки»  диэн ааттыыллара. Олоҕун доҕоро – саха дьонугар үрдүкү музыкальнай эйгэҕэ үлэлээбит Галина Михайловна Кривошапколыын 33 сыл дьоллоохтук, эйэ дэмнээхтик, баай-духуобунай олоҕу олорон аастылар.

Былатыан Ойунускай аатынан Саха Өрөспүүбүлүкэтин  судаарыстыбаннаһын музейа «Саха интеллигенциятын чаҕылхай бэрэстэбиитэлэ» диэн Захар Тимофеевич Тюнгюрядов олоҕун, үлэтин  сырдатар, кэпсиир виртуальнай быыстапкабытын көрөргүтүтэр ыҥырабыт.