Быйыл от ыйын 14 күнүгэр Саха сирин биир биллэр бөдөҥ салайааччыта,  1982 – 1991 сылларга обком бастакы сэкэрэтээринэн үлэлээбит Юрий Николаевич Прокопьев төрөөбүтэ 90 сылын туолбута.

Юрий Николаевич дойду быыһык кэмигэр салайбыт биир бастыҥ, түс-бас саха саарына буолар. Кини иитэн-такайан таһаарбыт каадырдара кэлин Саха Өрөспүүбүлүкэтин салайан саҥа саҕахтары аспыттара.

Былатыан Ойуунускай аатынан Судаарыстыбаннас музейыгар «Юрий Прокопьев самовара» диэн кини үбүлүөйдээх бэлиэ сылыгар быыстапка турбута. Манна даҕатан эттэххэ, музейбытыгар Саха сирин салайбыт салайааччылар самовардарын коллекцията сырдык бабаарынабытыгар көрдөрүүгэ тураллар. Бу коллекция  куруутун  ыалдьыттарга интэриэһи тардар.  Бу самовардары биһиги музейбыт фондатыгар 2013 сыллаахха «Тыгын Дархан» ресторан инженер-технолога И.И.Тарбахов бэлэхтээбитэ. Онон  хас саҥа ыалдьыт кэллэ да кинилэр ааттара ааттанан, кэпсэнэ тураллар.

Салгыы фонда үлэһитэ Дария КИРИЛЛИНА быыстапка туһунан кэпсиирин истиэҕиҥ.

Бэлэмнээтэ С.Халгаева

Хаартыскаҕа: Юрий Прокопьев самовара.