“Уран иис” үрдүкү оскуола талба талааннаах иистэнньэннэрэ, норуот маастардара Саха музейын фондатыгар дьоһун бэлэх туттардылар. Ол курдук 2011 сыллаахха Саха-французскай экспедиция Верхоянскай улууһугар археологическай хаһыылары оҥорбута. Ол түмүгэр “Атыыр мэйиитэ” диэн сиртэн эр киһи оҕуруонан киэргэтиллибит саҕынньаҕы, онтон “Көрдүгэн” диэн сиртэн таҥалайдыы оҕуруонан киэргэтиллибит сутуруону булбуттара. Историческай наука кандидата, М.К. Аммосов аатынан ХИФУ доцена “Уран иис” үрдүкү оскуола салайааччыта Светлана Ивановна Петрова эскизтээн биэрбитин түөрт иистэнньэннэр Дария Семеновна Козлова, Людмила Степановна Саввина, Галина Константиновна Ноговицына, Александра Петровна Иванова холбоон тикпит дьоһун үлэрэ буолар.

Бу таба тириититтэн тигиллибит саҕынньахтаах, сутуруолаах, таарбаҕан, саһыл түүтүттэн бэргэһэлээх XVIII үйэтээҕи эр киһи комплега (реконструкция) музей фондатыгар сөпкө хараллан дьон-сэргэ көрүүтүгэр туруоҕа, кэнэҕэски ыччакка саха материальнай культуратын сүдү кылаата буолуоҕа.

Мария Пестрякова