Хаҥастан уҥа: 1-кы Василий Гаврильевич Корякин

Ем. Ярославскай аатынан Саха музейыгар Муома совхуоһа төрүттэммитэ 60 сылыгар, Саха АССР үтүөлээх зоотехнига, “Гражданскай килбиэн” бэлиэ кавалера, Муома оройуонун Бочуоттаах олохтооҕо Василий Гаврильевич Корякинҥа аналлаах “Үлэ кыайыыта кынат буолара” тэрээһин буолан ааста.
“Дьүкээбил суһумун анныгар” быыстапкаҕа В.Г. Корякиҥҥа туһуламмыт биир анал балаһа дьон-сэргэ көрүүтүгэр, истиитигэр турар. Манна В.Г. Корякин наҕараадалара, докумуоннара, хаартыскалара киирдилэр.

Муома оройуонун бастыҥ үлэһиттэрин сүбэ мунньаҕа. 1981 с.

Василий Гаврильевич Корякин өр сыллар усталарыгар эппиэтинэстээх салайар үлэлэргэ үрдүк таһаарыылаахтык үлэлээн, ити күүрээннээх үлэ сылларыгар буһан-хатан, билиитэ-көрүүтэ дириҥээн, дьоһуннаах, киэҥ далааһыннаах салайааччы быһыытынан уһаарыллан тахсыбыта, оройуон социальнай олоҕо сайдыытыгар, тыатын хаһаайыстыбата бөдөҥсүйэригэр исполком председателин солбуйааччы, тыа хаһаайыстыбатын управлениетын начальнигын быһыытынан киллэрбит кылаата, төрөөбүт Муоматыгар, бүтүн Сахатын сиригэр дьоһун олоҕу олорбута, кини сырдык мөссүөнэ, дьон өйүгэр-санаатыгар тугунан да кэмнэммэт үтүө өйдөбүл буолан хааллаҕа.

Информацияны бэлэмнээтэ Октябрина Максимова