Таатта Чөркөөҕөр Д.К.Сивцев – Суорун Омоллоон Таатта оройуонун общественноһын  күүһүнэн    туттарбыт  П.А. Ойуунускай музей уһаайбатыгар бүгүҥҥү уйгулаах,  көҥүл олохпут туһугар олохторун толук ууран үрүҥ бандьыыттар илиилэриттэн охтубут П.А.Ойуунускай аймахтарыгар, доҕотторугар үйэ –саас тухары  албан аат диэн суруктаах  стела турар.

Стела ааптардара: Саха сирин народнай суруйааччыта Д.К.Сивцев – Суорун Омоллоон, БРИуоКПХО Саха сиринээҕи филиалын чилиэнэ, сэрии ветерана И.А.Уваров.

Үйэлээх өйдөбүнньүккэ киирбит хорсун-хоодуот дьоммутугар  үйэ-саас тухары албан аат!

• Андросов Василий Георгиевич (1899-) Байаҕантай улууһа. Ревком чилиэнэ, суруксута. Бандьыыттар тутан 1922с. өлөрбүттэрэ.
• Андросов Иван Иннокентьевич (1890-) 1-гы Игидэй, Байаҕантай улууһа. Аан дойду бастакы уонна гражданскай сэрии кыттыылааҕа. Үс георгиевскай кириэс наҕараадалаах. 1922с. бандьыыттар Мастаахха тоһуурдарыгар өлбүтэ.
• Андросов Федот Тихонович (1874-) 1-Игидэй, Байаҕантай улууһа. 10 улуус дьадаҥыларын Чурапчытааҕы мунньаҕын кыттыылааҕа. Бандьыыттар 1921с. Чычымахха ытан өлөрбүттэрэ.
• Аввакумов Пуд Саввич (1885-) 2-Дьохсо5он, Таатта улууһа. Разведкаҕа сырыттаҕына бандьыыттар тутан 1921с. кыһын Чычымахха сордоон-муҥнаан өлөрбүттэрэ.
• Аянитов Кирик Алексеевич. 3-Дьохсоҕон, Таатта улууһа. Нэһилиэк ревкомун председателя. “Сүрэх көлүйэ” сиргэ балаҕаныгар олордоҕуна бандьыыттар 1921с. Чөркөөххө тутан баран умаппыттара.
• Белолюбскай Илья Тимофеевич (1892-) Хайахсыт, Таатта улууһа. Ревком председателя. Кумахтаах сэриитин кыттыылааҕа. Кэргэнин, Доминиканы 1922с. бандьыыттар кыыллыы кэбилээн Чөркөөххө, онтон бэйэтин 1929с. бандьыыттар тобохторо уоран өлөрбүттэрэ.
• Борогоннуров Семен Тимофеевич (186…) 3-Дьохсоҕон, Таатта улууһа. Ревком председателя. Дьиэтигэр “Элэһин” диэн сиргэ олордоҕуна бандьыыттар тутан киллэрэн Чычымахха өлөрбүттэрэ.
• Винокуров Прокопий Иванович (1908) 2-с Игидэй, Байа5антай улууһа. Комсомол чилиэнэ. Артемьев баандатын эһиигэ кыттыбыта. 1925с. саас сэриилэһэ сылдьан Таралаахха өлбүтэ.
• Жерготов Пуд Степанович (1880-) Тыараһа, Таатта улууһа. Строд этэрээтин байыаһа. Советскай, партийнай үлэһит. 1925с. ОГПУ боломуочунайа.  1928с. өлбүтэ.
• Захаров Иван Алексеевич (1886-) Игидэй, Таатта улууһа. ЧОН этэрээтин байыаһа. Амманы геройдуу штурмалааһыҥҥа 1923с. өлбүтэ.
• Захаров Иннокентий Алексеевич (1826-) 4-с Дьохсоҕон, Таатта улууһа.  Нэһилиэк ревкомун активнай үлэһитэ. 1921с. бандьыыттар разведкаҕа сырыттаҕына тутан Чычымахха өлөрбүттэрэ уонна умаппыттара.
• Иванов Егор Васильевич (1903-) 4-с Хатылы, Боотурускай улууһа. Ревком чилиэнэ. 1922с. бандьыыттар тутан Чычымахха өлөрбүттэрэ.
• Кривошапкин Семен Григорьевич (1871-) Болтоҥо, Боотуруускай улууһа. Ревком председателэ. Уһун кэмҥэ разведкаһа сылдьыбыта. 1922с. бандьыыттар Чычымахха өлөрбүттэрэ.
• Кривошапкин Иван Николаевич. Болтоҥо, Боотуруускай улууһа. Нэһилиэк ревкомун председателин солбуйааччы. Бандьыыттар тутан аҕалан 1922с. Чычымахха ытан өлөрбүттэрэ.
• Кузьмин Афанасий Степанович (1897-) 4-с Хатылы, Боотуруускай улууһа. РК(б)П чилиэнэ. Ревком үлэһитэ. Кыһыл Армия байыаһа. 1921с. бандьыыттар “Оһоҕостооххо” тутан илдьэн Чычымахха өлөрбүттэрэ.
• Кривошапкин Василий Афанасьевич (1901- ) Болтоҥо, Боотуруускай улууһа. Нэһилиэк ревкомун секретара.  1922с. бандьыыттар тутан аҕалан Чычымахха өлөрбүттэрэ.
• Кузьмин Степан Степанович (1902-) 4-с Хатылы, Боотуруускай улууһа. Афанасий Кузьмин быраата. Бандьыыттар разведкаҕа сырыттаҕына тутаннар Чычымахха аҕалан 1922с. өлөрбүттэрэ.
• Кузьмин Харлампий Лонгинович (1903-) Игидэй, Таатта улууһа. Батараак. Кыһыл Армия байыаһа. 1922с. Хайахсыт нэһилиэгэр бандьыыт саайката уоран өлөрбүтэ.
• Лебедев Василий Ионович (1882-) 5-с Хатылы, Боотуруускай улууһа. Нэһилиэк ревкомун председателя. Губчека активнай үлэһитэ. 1922с. бандьыыттар Чөркөөххө ытан өлөрбүттэрэ.
• Максимов Матвей Назарович (1900-) Күнээйи, Таатта улууһа. РК(б)П чилиэнэ. Ревком председателя. Кыһыл Армия байыаһа. 1923с. Амманы штурмалааһыҥҥа баас ылан онтон өлбүтэ.
• Мальчехов Иннокентий Данилович (1898-) 3-с Дьохсоҕон, Таатта улууһа. 1921с. комсомол, онтон РК(б)П чилиэнэ, комячейка үлэһитэ. Ударнай экспедиционнай этэрээккэ сылдьыспыта. 1923с. Верхоянскайга Силээҥҥэ бандьыыттары кытары кыргыһыыга охтубута.
• Мончурин Андриан Федорович – Арыйаал (1884-) 3-с Дьохсоҕон, Таатта улууһа. Ревком председателя. Губчека ударнай этэрээтин байыаһа. Мэҥэ улууһугар “Чоххох” диэн сиргэ бандьыыттар тоһуурдарыгар 1922с. өлбүтэ.
• Мончурин Матвей Федорович 3-с Дьохсоҕон, Таатта улууһа. Ааттаах чабырҕахсыт, ырыаһыт. Дьиэтигэр олордоҕуна бандьыыттар бырааттарынан өһүөннээн Чычымахха илдьэн 1922с. ытан өлөрбүттэрэ.
• Мончурин Илларион Федорович (1872-) 3-с Дьохсоҕон, Таатта улууһа. Нэһилиэк ревкомун председателя. Бандьыыттар 1922с. Чычымахха өлөрбүттэрэ.
• Мончурин Семен Дмитриевич 3-с Дьохсоҕон, Таатта улууһа. Кыһыл дружина кыттыылааҕа. 1922с. бандьыыттар Чөркөөххө сууттаабыттарын өлбөккө илиитин-атаҕын тоҥорон, түүн ыалга тахсан саспыт. Ону хат булан ат кутуругар состорон аҕалан иккиһин ытан өлөрбүттэрэ.
• Мончурин Капитон Данилович (1890-) 3-с Дьохсоҕон, Таатта улууһа. Ревком председателя. “Куттуйа” диэн сиргэ олордоҕуна бандьыыттар 1922с. тутан Чычымахха өлөрбүттэрэ.
• Моттуев Михаил Иванович Тыараһа, Таатта улууһа. Комсомол чилиэнэ. 1-гы Хотугу этэрээтин байыаһа. Мэҥэ улууһугар Чоххоххо бандьыыттар тоһуурдарыгар  өлбүтэ.
• Новгородов Алексей Гаврильевич 3-с Дьохсоҕон, Таатта улууһа. Ревком председателя. Чөркөөхтөөҕү кыһыл дружина байыаһа. 1922с. бандьыыттар тутаннар Чөркөөххө “Акыйа” үрдүгэр ытан өлөрбүттэрэ.
• Петрунхин Семен Павлович (1872-) 1-кы Дьохсоҕон, Таатта улууһа. Ревком председателэ. 1922с. бандьыыттар Чычымахха киллэрэн баалкынан төбөтүн үлтү сынньан өлөрбүттэрэ.
• Попов Афанасий Григорьевич (1892-) Аллараа Амма нэһилиэгэ, Таатта улууһа. Маайскай улууһун ревкомун председателя. Каратаев этэрээтин байыаһа. Чычымахха бандьыыттар Ноху үрэҕэр кыыллыы өлөрбүттэрэ.
• Платонов Лазарь Иннокентьевич (1879-) Амма улууһа. Нэһилиэк ревкомун председателя. Бандьыыттар Чычымахха аҕалан 1922с. ытан өлөрбүттэрэ.
• Попов Николай Васильевич (1890-) Учуутал. 1-гы Дьохсоҕон ревкомун председателя. И.В.Попов художник быраата. Бандьыыттар 1922с. Чычымахха киллэрэн сыгынньахтыы тоҥуу хаарынан хаамтаран муҥнаан өлөрбүттэрэ.  Кэргэнин ийэлэри сайын Ытык-Күөл аттыгар  өлөрбүттэрэ.
• Сивцев Петр Дмитриевич (1902- ) 2-с Дьохсоҕон, Таатта улууһа.  Комсомол, РК(б)П чилиэнэ. Вяткаҕа Кыһыл командирдар курстарын бүтэрбитэ. ЧОН ротатыгар үлэлээбитэ. Сибиир руднигыттан 1922с. динамит саппааһын көһөрөн иһэн Сиэгэн Күөлгэ бандьыыттар тоһуурдарыгар өлбүтэ.
• Слепцов Семен Афанасьевич 3-с Дьохсоҕон, Таатта улууһа. Чөркөөх кыһыл дружинатын байыаһа. Разведкаҕа сылдьан бандьыыттарга түбэспитэ.  Чычымахха илдьэн 1922с. өлөрбүттэрэ.
• Слепцов Михаил Нестерович I (1901-) 3-с Дьохсоҕон, Таатта улууһа. Москваҕа Свердлов университетыгар үөрэммит. Сибиниэс руднигыттан динамит көһөрүүгэ бандьыыттар тоһуурдарыгар бааһырбыта. Ону Чурапчыга аҕалан кыыллыы сэймэктээн 1922с. өлөрбүттэрэ.
• Слепцов Никита Алексеевич 3-с Дьохсоҕон, Таатта улууһа. Ревком председателя. Улуус дружинатын байыаһа. Разведкаҕа сылдьан Учай диэн сиргэ чугаһыгар бандьыыттар тоһуурдарыгар 1921с. өлбүтэ.
• Сокольников Алексей Нестерович (1863-) 3-с Дьохсоҕон, Таатта улууһа. П.Н.Сокольников луохтуур быраата. Костя Сокольников аҕата. П.А.Ойуунускай кынна – Сүөкүччэ аҕата. 1923с. куоракка көһөн киирэн эрдэҕинэ сүгэнэн кэрдэн өлөрбүттэрэ.
• Сокольников Софрон Алексеевич 3-с Дьохсоҕон, Таатта улууһа. Ревком активнай үлэһитэ. Кыһыл дружина, онтон 2-с своднай этэрээт байыаһа. Сибээс олохтуу сылдьан Оһохтоох дьаамыгар бандьыыттарга түбэспитэ. 1921с. ытыллыбыта.
• Сивцев Григорий Игнатьевич (1899-) Байаҕантай улууһа. РК(б)П чилиэнэ. Бандьыыттары утары үгүс бойобуой операцияларга кыттыбыта. 1922с. Төхтүрдээҕи сэриилэһиигэ өлбүтэ.
• Сивцев Терентий Иннокентьевич (1888-) 2-с Дьохсоҕон, Таатта улууһа. 1921с. Верхоянскайга милиция начальнига. Бандьыыттары сонордуу сырыттаҕына үрүҥ офицердар тутаннар 1922с. өлөрбүттэрэ.
• Сивцев Михаил Алексеевич 3-с Дьохсоҕон, Таатта улууһа. Чөркөөхтөөҕү кыhыл дружинаҕа байыаһынан киирбитэ. Дьүлэй нэһилиэгэр ревкомнуу сырыттаҕына бандьыыттар тутан киллэрэн 1922с. Чөркөөххө ытан өлөрбүттэрэ.
• Сивцев Григорий Никитович (1901-) 2-с Дьохсоҕон, Таатта улууһа. 1921с. Улуус старшай милиционера. Амма гарнизонын кыһыл армееһа. 1922с. разведкаҕа сылдьан бааһыран бандьыыттарга тутуллан өлбүтэ.
• Сыромятников Иван Иванович 3-с Байаҕантай, Байаҕантай улууһа. Кыһыл Армия байыаһа. Якутскайга, онтон улууһугар  милиционерынан үлэлээбитэ. Бандьыыттар 1923с. тутаннар Уолба чугаһыгар ытан өлөрбүттэрэ.
• Федосеев Иван Саввич (1893-) 2-с Болугур, Боотуруускай улууһа. Улууска милиционерынан үлэлээбитэ. 1923с. Чурапчыга кыһыл этэрээт көһүүтүгэр көлө, ас-таҥас бэлэмнээһинигэр Дьабылга сылдьан бандьыыттарга түбэспитэ. Хайахсыкка ытыллыбыта.
• Чупров Иван Яковлевич (1903-) 1-кы Игидэй, Таатта улууһа. 1922с. К.Сокольников аттаах удаарнай этэрээтигэр Е.Романченко ротатыгар сулууспалаабыта. 1922с. Төхтүргэ буолбут сэриигэ өлбүтэ.
• Яковлев Василий Кириллович (1881-) Болугур, Боотуруускай улууһа. 1922с. кыһыллар связистарынан үлэлии сылдьан бандьыыттарга тутуллубута. 1922с. Чычымахха илдьэн өлөрбүттэрэ.
• Яковлев Тарас Иннокентьевич (1892-) Мырыла. Нэһилиэк ревкомун чилиэнэ. Бандьыыттар разведкаҕа сырыттаҕына Мындаҕаайыга тутан бараннар Чычымахха аҕалан 1922с. өлөрбүттэрэ.
• Яковлев Тимофей Иннокентьевич (1894 -) Мырыла. Нэһилиэк ревкомун биир сытыы-хотуу үлэһитэ. Бандьыыттар тутан ылан 1922с. Чычымахха илдьэн өлөрбүттэрэ.

Хос быһаарыы: Стелаҕа киирбит дьон аата хайдах суруллубутунан түһэрилиннэ.

Анал таһаарыыны бэлэмнээтэ Изабелла Жерготова. Таатта, Чөркөөх.

                                                                       Кулун тутар 16 күнэ. 2022с.