Бүгүн уһулуччулаах государственнай уонна политическай деятель И.Н.Барахов төрөөбүт күнүн бэлиэтээн Харбалаахха мэҥэ тааһыгар сибэкки ууруута буолла. Эҕэрдэ тыллары “Харбалаах нэһилиэгэ” муниципальнай тэриллии баһылыга К.Д. Платонов, И.Барахов аатынан СӨ судаарыстыбаннаһын музейын сэбиэдиссэйэ С.Д. Копыленко эттилэр.

Биир дойдулаахпыт чаҕылхай олоҕун холобур оҥосторго кэнчээри ыччаты ыҥырдылар. Нэһилиэкпит үүнэ-сайда турарыгар баҕа санааларын эттилэр. И.Барахов аатынан култуура киинэ тутуу буоларын олохтоохтор үөрэ иһиттилэр. Саха судаарыстыбаннаһын төрүттэспит,эйэлээх олоҕу аҕалбыт биир дойдулаахпыт И.Барахов мэҥэ тааһыгар сүгүрүйүү уопсай хаартыскаҕа түһүүнэн түмүктэннэ.

Семенова Е.П., музей үлэһитэ