От ыйын 18 күнүгэр Никольскай нэһилиэгэр Аҕа дойду Улуу сэриитин бэтэрээнэ, чулуу үлэһит, стахановец, XX үйэ илиинэн оттооһуҥҥа чемпиона Василий Иннокентьевич Охлопков – Түөһэй Баһылай 110 сааһыгар аналлаах саха хотуурунан от охсуутугар “Күүлэй – 2025” өрөспүүбүлүкэтээҕи күрэх өрө күүрүүлээхтик ыытылынна.

Бу саха киһитигэр суолталаах тэрээһин чэрчитинэн Саха музейын үлэһиттэрэ – быыстапкалыыр салаа сэбиэдиссэйэ Марианна Стручкова, сырдатар-үөрэтэр салаа сэбиэдиссэйэ Октябрина Максимова уонна фонда харайааччыта Александр Абрамов музей фондатыгар харалла сытар Марк Петрович Слепцов бөдөҥ коллекциятыттан XIX үйэ бүтүүтүнээҕи уонна XX үйэтээҕи 30-ча илиинэн охсор хотуурдары “Хотуур – мин тэлэр дьарыгым” быыстапканы туруордулар, “Куулэй-2025” кыттыылаахтарыгар, ыалдьыттарыгар кэпсээтилэр, дьон-сэргэ сэҥээриитин, киэҥ биһирэбилин ыллылар.

Сиһилии ”Күүлэй-2025” туһунан бу ссылканан киирэн көр https://clck.ru/3NDKAL