Саха музейын тэлгэһэтигэр хаһыс да сылын Сайылык күнэ ыытыллар. Бу күн культура уонна искусство колледжын устудьуоннара кыттыылаах «Самаан сайыны көрсүү сиэрэ-туома» ыытылынна. Сайылыкка кэлбит дьон үөрэ-көтө кэпсэтэн, ылбаҕай ырыалары истэн, маастар-кылаастарга көхтөөхтүк кыттан, оһуохайдаан, атыы-эргиэн дьаарбаҥкатыгар сылдьан, сэргэхсийэн тарҕастылар.