Республикабыт кырдьаҕас, бас-көс музейыгар – Ем. Ярославскай аатынан Хотугу омуктар устуоруйаларын уонна култуураларын судаарыстыбаннай холбоһуктаах Саха музейыгар СӨ Бырабыыталыстыбатын бэрэссэдээтэлин солбуйааччы Сергей Местников көҕүлээһининэн «Олоҥхо балаҕана» бырайыак үһүс тэрээһинэ ыытылынна.

Бүгүҥҥү Олоҥхобут балаҕаныгар Олоҥхо театрын артыыһа, өрөспүүбүлүкэтээҕи Олоҥхо ыһыахтарын кыайыылааҕа Яна Нюргусова Петр Игнатьев «Кулан Кыыртай бухатыыр» олоҥхотуттан быһа тардан толорон олоҥхо алыптаах эйгэтин арыйда, ураты, кэрэ, дьикти турукка киллэрдэ.

“Айар уустар” креативнай индустрия коллеһын 2-с кууруһун устудьуоннара, олоҥхону сэҥээрээччилэр, истээччилэр сааскы ылааҥы, үтүө киэһэни бэрт сэргэхтик, сонуннук атаардылар.

Ыам ыйыгар Олоҥхо балаҕаныгар көрсүөххэ диэри!