Түмэллэр күннэригэр анаан Үөһээ Бүлүү Харбалааҕар Саха Республикатын төрүттээччилэртэн биирдэстэрэ Исидор Никифорович Барахов түмэлигэр Аһаҕас аан күнэ тэрилиннэ. Быйыл саҥа таас дьиэлэммит түмэли дьиэ кэргэнинэн баран көрөн, баҕа санаабыт туолан астынан үөрэн-көтөн кэллибит. Килэйэн-халайан киэҥ-куоҥ дьиэҕэ, баай матырыйаалы кэккэлэппит, элбэх экспонаттардаах витриналар, саҥалыы технологиянан көрдөрөр матырыйааллар киһи болҕомтотун тарда-угуйа тураллар.

Улууспутугар устуоруйаны чинчийээччилэргэ, кыраайы үөрэтээччилэргэ, оҕолорго үөрэнэр-сайдар эйгэлэммиппит диэн үөрдүбүт. Бу түмэлбит биэрэр билиитин кэпсиир-ипсиир, тарҕатар, сырдатар үлэһиттэригэр Светлана Даниловнаҕа, Евдокия Павловнаҕа барҕа махталбытын тиэрдэбит, өрүү да Исидор Бараахап олоҕун, үлэтин кэрэхсээччи элбээтин, үөрэтээччи үксээтин.

Намтан Саввиновтар дьиэ кэргэн

18.05.2025