1941 с. бэс ыйын 22 күнүгэр фашистскай Германия Сэбиэскэй Сойууска сэрэтиитэ суох саба түспүтэ. Үөһээ Бүлүү оройуонуттан Аҕа дойдуларын көмүскүү 2163 киһи сэриигэ барбыта. 1131 буойун сэрии толоонуттан эргиллибэтэҕэ. Бүгүҥҥү ыччат эһэлэрбит хорсун сырыыларын, кинилэр олохторун толук ууран туран аҕалбыт, тугунан да кэмнэммэт Улуу Кыайыытын көмүскүүр.

Өйдөбүнньүк уонна кутурҕан күнүгэр И.Н. Барахов аатынан Саха Өрөспүүбүлүкэтин судаарыстыба музейыгар Кыайыы саллааттарын сиэннэригэр, хос сиэннэригэр – анал байыаннай дьайыы байыастарыгар анаммыт саала арылынна. Бу саала улууспут анал байыаннай дьайыыга хорсуннук охсуһа сылдьан олохтон туораабыт уолаттарбыт, билигин да фашизмы күөртээччилэри утары охсуһа сылдьар буойуннарбыт көмүс ааттарын үйэтитэр, үүнэр көлүөнэҕэ хаалларар өйдөбүнньүк буолуоҕа. Ким да умнуллубат, туох да умнуллубат!

С. Копыленко