Аҕам саастаахтар күннэрэ са5аланан музейбытыгар улууспут дьоно-сэргэтэ ыалдьыттаан бардылар. Кинилэр бу сырыыларын туҺунан маннык суруйан ыыттылар: “Алтынньы 2 к. ҮөҺээ Бүлүүтээ5и көрбөттөр уопсастыбаларын харахтарынан мөлтөхтүк көрөр дьоно Харбалаах нэҺилиэгэр И.Н. Барахов аатынан музейга баран кэллилэр. Саха сирин государственнай, политическай деятелэ Исидор Никифорович Барахов оҕо сааҺын, үөрэммит, үлэлээбит кэмнэрин музей үлэҺитэ Владимир Семенов олус интэриэҺинэйдик кэпсээтэ. Музей салайааччыта Копыленко Светлана Даниловнаҕа, музей коллективыгар арыылаах алаадьынан көрсөн, Культура дьиэтин көрдөрөн истиҥник- иҺирэхтик көрсүбүттэригэр улахан махталбытын тиэрдэбит. Ону таҺынан “Оазис” тэрилтэ салайааччытыгар Валерий Валерьевич Семеновка транспорт өттүнэн көмө оҥорбутугар махталбыт улахан”.

Исидор Барахов мрамор таастан чочуллубут мэҥэ тааҺыгар хаартыскаҕа түҺэн экскурсияны түмүктээтилэр.

Евдокия Семенова, И.Н.Барахов аатынан музей үлэҺитэ