Музейбытыгар иккис нэдиэлэтин “Музей сайына. Ионов оскуолата” сайыҥҥы лааҕыр үлэлиир. Уопсайа 26 оҕону хаптыбыт. Оҕолор төрөөбүт нэһилиэктэрин, музей историятын үөрэтэн, киэҥ-куон сиргэ күөлэһийэ оонньоон, сүүрэн-көтөн астыннылар, дуоһуйдулар. Чахчы даҕаны сайыҥҥы үтүө туһалаах күннэри атаардылар. Сүрүннээн алын сүһүөх кылаас оҕолоро дьарыктаннылар. Лааҕыр үлэтин бырайыагын Сардаана Аввакумова суруйан, кыраайы үөрэтээччи, музей үлэтин ымпыгын-чымпыгын билэр Изабелла Жерготова оҕолорго кэпсээбит экскурсията куойаларыгар-маҥкыларыгар иҥэриллэн билии-көрүү үктэллэнэллэригэр  саарбаҕа суох. Музей бары үлэһиттэрэ лааҕыр олоҕор кыттыһан биир тыынынан үлэлии-хамсыы сылдьаллар.