Үөһээ Бүлүү улууһугар улуустааҕы Үөрэх салалтатын иһинэн, оскуолаҕа үрдүкү кылаастарга үөрэнэр уол оҕолору байыаннай сулууспаҕа бэлэмнэнии тиһигинэн, 5 күннээх дьарыктаныыга Харбалаахтааҕы норуот суруйааччыта Николай Якутскай аат.орто оскуола базатыгар нэһилиэктэр оскуолаларыттан мунньан дьарыктааһын үгэскэ кубулуйбута ыраатта. Ол курдук быйыл барыта 60 оҕо кэлэн дьарыктана сылдьаллар. Бүгүн бу оҕолор строевой хаамыынан ИНБарахов аат.Саха республикатын государственноһын музейыгар экскурцияҕа сырыттылар. Ийэ дойдубут чиэһин көмүскүөхтээх инники эрэлбит уолаттар республикабыт тэриллиитин историятын, оччотооҕу эдэркээн салайааччылар туох моһоллору табыгастаахтык дьаһанан, быһаарсан аҕыйах ахсааннаах норуоппут инникитин түстээбиттэрин, гражданскай сэрии сылларынааҕы күчүмэҕэй күннэр, норуот дьылҕата ыйааһыҥҥа ууруллубут кэмнэрин туһунан ылы-чып олорон сэҥээрэн иһиттилэр.

С.Копыленко.