Кулун тутар 16 күнүгэр «Ситиһииилээх үөрэнээччи олоҕун оҥостор оҥкула-бигэ туруктаах дьиэ кэргэҥҥэ» диэн ааттаах Үөһээ Бүлүү улууһугар иккис төгүлүн ыытыллар төрөппүт форумугар биһиги музейбыт ыалдьыттаата. Бу тэрээһиҥҥэ араас маастар кылаастар, иитиигэ сыһыаннаах араас секциялар үлэлээтилэр.

Улууспут төрөппүттэригэр анаан уһулуччулаах государственнай уонна политическай деятель И.Н.Барахов туһунан кэпсиир  «Вся жизнь служение народу» диэн ааттаах быыстапканы туруордубут.

Төрөппүттэргэ аналлаах И.Н.Барахов туһунан интеллектуальнай оонньууну ыыттыбыт. Саха саарынын олоҕун үөрэтэн, ааҕан кэлбиттэрэ тута билиннэ. Уустук ыйытыыларга үгүстэрэ сөптөөх хоруйу биэрдилэр, кинини кытта алтыспыт, доҕордоспут дьоннору эндэппэккэ биллилэр.

Оонньуу түмүгүнэн Нам орто оскуолатын төрөппүттэрэ кыайыылаах буоллулар. Иккис миэстэни – М.Т. Егоров аатынан 2 №-х орто оскуола, үһүс миэстэни  Д.С.Спиридонов аатынан 4 №-х оскуола ыллылар.

Гурьева Л.В., Семенова Е.П.

И.Н.Барахов аатынан СӨ государственноһын музейа