ГБУ РС(Я) «Якутский государственный объединенный музей
истории и культуры народов Севера им. Ем. Ярославского»
ГБУ РС(Я) «Якутский музей»
СӨ Правительствотын Председателэ – Тааттаҕа
26 декабря 2020, 22:32

Бу сыл ахсынньы 26 күнүгэр СӨ Правительствотын председателэ Андрей Тарасенко Тааттаҕа үлэлээтэ. Сарсыарда эрдэ Чурапчыттан Таатта бастакы нэһилиэгэр Кыйыга сылдьан саҥа тутуллар 90 миэстэлээх оскуоланы, маны таһынан элбэх оҕолоох Игнатьевтарга сырытта.

Салгыы кырдьаҕас Чөркөөххө сылдьан саҥа тутуллуохтаах элбэх функциялаах сынньанар киин тутуллар сирин көрдө, үлэ хаамыытын билистэ. Бу объект Саха Автономията тэриллибитэ 100 сылыгар үлэҕэ киириэҕэ диэн эттэ А.В.Тарасенко.

Чөркөөхтөөҕү политссылка түмэлигэр В.Ф.Трощанскай, Э.К.Пекарскай олорбут балаҕаннарын саҥардан оҥоруу кэнниттэн аһыллар үөрүүлээх тэрээһинигэр кыттыыны ылла. Бу объектары «Меридиан» ХЭТ салайааччыта Д.В.Могдоев, «Охотный двор» ХЭТ салайааччыта Ю.Н.Большаков уонна «Тааттавтодор» АО генеральнай директор И.И.Бочонин салайар коллективтара оҥордулар.

Санатан эттэххэ, икки сыллааҕыта СӨ Ил Дархана А.С.Николаев дьиэ кэргэнэ бэйэлэрин үптэринэн Үктэл миэлиҥсэни саҥардан үлэҕэ киллэрэн саҥа бачыымы олохтообуттара. Онон өбүгэлэрбит олорон ааспыт олохторо-дьаһахтара кэлэр көлүөнэҕэ чөл хаалар кэскиллээх дьыалата салаллан ыытыллар.

Светлана Халгаева

Источник: https://ulus.media/2020/12/26/s-pravitelstvotyn-predsedatele-taatta-a/