Биллиилээх государственнай уонна общественно-политическай деятель С.В.Васильев төрөөбүтэ 125 уонна Саха сирин Комсомола төрүттэммитэ 100 сылыгар аналлаах “Төлөннөөх сүрэхтэр” диэн Ньурба улууһун экспедицията бүгүн Харбалаахха кэлэн ыалдьыттаата.

Экспедиция кыттыылаахтара автономияны төрүттээбит государственнай уонна политическай деятеллэр дойдуларынан сылдьан, биир дойдулаахтарын Ст.Васильев туһунан кэпсиир уонна ити деятеллэр ааттарын бииргэ үйэтитэр тэрээһиннэри торумнаһар сыаллаах сылдьар.
Салайааччылара Ньурба улууһун депутаттарын сэбиэтин бэрэссэдээтэлэ С.И.Евсеев.
Делегацияҕа Бордоҥ нэһилиэгиттэн С.Васильев аатынан оскуолаттан уонна музейдартан бэрэстээбитэллэр бааллар.
Бу ый 25 күнүгэр С.Васильев төрөөбүт алааһыгар Хотой Уйалаахха сылдьан, алгыс ылбыттарын экспедиция картатыгар бэлиэтээбиттэр уонна бүгүҥҥү күнү- Харбалааҕы, уһулуччулаах государственнай уонна политическай деятель И.Барахов дойдутун.
Ити курдук Бүлүү, Нам, Таатта дойдулара экспедиция анал хаартатыгар тыгыахтара.
Тэрээһиҥҥэ Үөһээ Бүлүү улууһун депутаттарын сэбиэтин бэрэссэдээтэлэ Николаев Н.Н., улуус баһылыгын 1-кы солбуйааччыта Михалев С.А., социальнай боппуруостарга солбуйааччы Тойтонова Л.С. ыллылар.

Ньурба улууһун ыччаттара биир дойдулаахтарын үлэтин сырдаттылар. Харбалаахтааҕы модельнай библиотека сэбиэдиссэйэ Николаева Р.А. музей уонна ыччат үлэтин билиһиннэрдэ
И.Барахов аатынан СӨ государственноһын музейа 2013 сылга ыыппыт Бүлүү бөлөҕүн деловой көрсүһүүтэ, 2018 с. “Мы-потомки основателей автономии” өрөспүүбүлүкэтээҕи тэрээһинэ салҕанан, саҥа тыыннаммытын төгүрүк остуолга бэлиэтээтилэр.
⠀
Евдокия Семенова, музей үлэһитэ