ГБУ РС(Я) «Якутский государственный объединенный музей
истории и культуры народов Севера
им. Ем. Ярославского»
Литературный конкурс «Бараахап өлбөөдүйбэт мөссүөнэ»
25 января 2018, 06:45

И.Н.Барахов аатынан Саха Өрөспүүбүлүкэтин Судаарыстыбаннаһын устуоруйатын түмэлэ

биллииллэх судаарыстыбаннай уонна бэлитиичэскэй диэйэтэлэ, Саха сирин Аптаныамыйатын олохтоспут дьонтон биирдэстэрэ Исидор Никифорович Барахов төрөөбүтэ 120 сылыгар аналлаах литэрэтиирэ куонкуруһун биллэрэр

«Бараахап өлбөөдүйбэт мөссүөнэ«

  1. УОПСАЙ БАЛАҺЫАННЬА
    • Аптаныамыйаны олохтоспут саха саарыннарыттан биирдэстэрэ Исидор Никифорович Барахов 120 сааһын туоларынан литэрэтиирэҕэ куонкурус биллэрэр.
    • Куонкуруска сахалыы эбэтэр нууччалыы тылынан хоһооннор көрүллэллэр.
    • Куонкуруска 18 сааһыттан үөһэ саастаахтар кытталлар.

 

  1. КУОНКУРУС СЫАЛА-СОРУГА
    • И.Н.Барахов аатын литэрэтиирэҕэ үйэтитии.
    • Айар, суруйар дьарыкка көҕүлээһин.
    • И.Н.Барахов чаҕылхай олоҕун холобур оҥостууга кэнчээри ыччаты иитии.

 

  1. УСУЛУОБУЙАТА
    • Куонкуруска киирбит хоһоон урут бэчээттэммэтэх буолуохтаах.
    • Кыттааччыттан үстэн элбэх үлэ киирбэт.
    • Куонкуруска киирбит хоһооннор сүрүннээн И.Н.Барахов олоҕун, судаарыстыбаннай уонна бэлитиичэскэй үлэтин, Сахатын сирин, норуотун таптыырын туһунан, тус бэйэ сыһыана буолара ирдэнэр.
    • Хоһоон көмпүүтэргэ сахалыы сириибинэн суруллубут буолара биһирэнэр.
    • Куонкуруска киирбит үлэлэр ааптардарын толору ааттара-суоллара, олорор сирдэрэ, төлөппүөннэрин нүөмэрэ суруллар. Анал хаfмыыһыйа киирбит үлэлэргэ анал кистэлэҥ сиипир аныыр. Дьүүллүүр Сүбэ кыайыылаахтары биллэрбитин кэннэ сиипир арыллар. Кыайыылаахтартан эбии пааспар дааннайа, ИНН, СНИЛС эбии көрдөнөр.

 

  1. ҮЛЭНИ КИЛЛЭРИИ БЭРЭЭДЭГЭ
    • Үлэни куонкурус балаһыанньата бэчээккэ, Аан Ситимҥэ тахсыбыт күнүттэн 2018 сыл муус устар 20 күнүгэр диэри бу электроннай аадырыска ыытыллар: isbarakhovmuseum@mail.ru – конкурс стихотворений о И.Н.Барахове — диэн бэлиэлээх буолар.
    • Куонкурус сыалыгар-соругар эппиэттээбэт үлэ көрүллүбэт.

 

  1. КЫАЙЫЫЛААХТАРЫ БЫҺААРЫЫ
    • Кыайыылаахтары анал Дьүүллүүр Сүбэни музей сэбиэдиссэйинэн бигэргэнэр.
    • Үс бастыҥ үлэлэр анал бэлиэҕэ тиксиэхтэрэ, ону таһынан биһирэбил бириистэр көрүллэллэр.