ГБУ РС(Я) «Якутский государственный объединенный музей
истории и культуры народов Севера им. Ем. Ярославского»
ГБУ РС(Я) «Якутский музей»
«Өксөкүлээх Өлөксөй – айар тыл аҕата»
28 апреля 2017, 11:00

Харбалаахтааҕы модельнай бибилэтиэкэ (сэбиэдиссэй Платонова Н.К.) уонна И.Н.Барахов аатынан СӨ судаарыстыбаннаһын түмэлэ (Семенова Е.П.) «Ааҕыыттан – билиигэ» диэн ааттаах бырайыагынан үлэлиибит. Бырайыак сыала диэн биир дойдулаахпыт И.Н.Барахов аатын үйэтитии, кинини кытта ситимнээх дьону кытта алтыһыытын туһунан информацияны киэҥ эйгэҕэ таһаарыы. Бырайыак түгэх сыала оҕону кинигэ ааҕарга уһуйуу диэн.

И.Н.Барахов оҕо сааһыттан кинигэни олус сөбүлээн ааҕара. Онон кини олоҕун холобурунан оҕолор уус-уран айымньыны сэргээн ааҕалларыгар уһуйарга бу бырайыак толкуйдаммыта.

Бастакы тэрээһиммит – А.Е.Кулаковскай-Өкскөкүлээх Өлөксөй, П.А.Ойуунускай суруйбут, И.Н.Барахов таптаан аахпыт айымньылара «Соломуон Муударай» тула кэпсэтии, оҕолорго квест-оонньуу ыытыы.

Оттон бу тэрээһин айар тыл аҕата А.Е.Кулаковскай –Өксөкүлээх Өлөксөй 140 сааһыгар, «Саха интеллигенциятыгар сурук» 105 сааһыгар ананна.

Хомус тыаһыгар уйдаран, улуу суруйааччы «Хомус» хоһоонун  ыалдьыттар сэргээн иһиттилэр. Салгыы модельнай библиотека сэбиэдиссэйэ Платонова Н.К. Өкскөкүлээх Өлөксөй кинигэлэрин быыстапкатын сиһилии кэпсээтэ, кинигэлэр, айымньылар тустарынан олус сэргэх билиһиннэриини оҥордо. И.Н.Барахов аатынан түмэл сотруднига Гурьева Л.В. уонна Н.Г.Золотарев-Якутскай аатынан оскуола учуутала Васильева В.Д. «Саха интеллигенциятыгар сурук», түмэл үлэһитэ Семенова Е.П. «А.Е.Кулаковскай уонна И.Н.Барахов» туһунан кэпсээтилэр.

Ыалдьыттар А.Е.Кулаковскай-Өксөкүлээх Өлөксөй олоҕун, айымньыларын  туһунан санааларын үллэһиннилэр. Түмүккэ «Ойуун түүлэ» бэйээмэни чаас-чааһынан кэлбит ыалдьыттар ааҕан, улуу Киһи тылын-өһүн алыбар ылларан туран, дорҕоонноохтук ааҕыы ыытылынна.

 

Харбалаахтааҕы модельнай бибилэтиэкэ сэбиэдиссэйэ Платонова Н.К.

 И.Н.Барахов аатынан СӨ судаарыстыбаннаһын түмэлин үлэһитэ Семенова Е.П.