24 сааһыгар Саха Аптаныамыйатын төрүттэспит И.Н.Барахов олунньу 12 күнүгэр 120 сааһын туолла. Бу бэлиэ күҥҥэ И.Н.Барахов соратниктарын дойдуларыттан, Намтан, Тааттаттан, Ньурбаттан, Бүлүүттэн, кэлбит ыччат Харбалаах түмэлигэр «Биһиги – Саха Аптаныамыйатын төрүттэспит саха саарыннарын удьуор-сыдьааннарабыт» диэн төгүрүк остуолга кытынна.

Кэлбит ыччакка сүбэ-соргу тылларын тиэрдэ көрсүһүүгэ кытыннылар:

• Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Михаил Дмитриевич Гуляев;
• «Үөһээ Бүлүү улууһа» муниципальнай оройуон баһылыга Владимир Семенович Поскачин;
• философскай наука доктора, ХИФУ профессора Виктор Михайлович Данилов;
• Ил түмэн депутата Марфа Семеновна Филиппова.

Онтон салгыы биэс улуус ыччата биир дойдулаахтарын, П.Ойуунускай, М.Аммосов, Ст.Аржаков, Ст.Васильева, И.Барахов  үйэтитиигэ туох үлэни ыыталларын, инники үлэ торумун билиһиннэрдилэр.

1. Обоюкин Роман Владиславович – Таатта улууһун Чөркөөх орто оскуолатын директора, «Былатыан ыччаттара» общественнай организация председателэ.
2. Васильев Сергей Викторович – Ньурба улууһун Убайаан орто оскуолатын история уонна обществознание учуутала, куорат сэбиэтин депутата.
3. Дьяконов Станислав Александрович – М.Аммосов аатынан Саха Өрөспүүбүлүкэтин судаарыстыбаннаһын музейын научнай сотруднига.
4. Иванова Александра Алексеевна – «Бүлүү улууһа (оройуона)» муниципальнай оройуон ыччат уонна дьиэ кэргэн политикатын специалиһа.
5. Иванова Жанна Семеновна – «Үөһээ Бүлүү нэһилиэктэрин икки ардынааҕы кииннэммит библиотечнай систиэмэ» 3 нүөмэрдээх филиал сэбиэдиссэйэ.

Санаа үллэстиитин салгыы салайан ыытта Спиридон Олегович Борбуев, Үөһээ Бүлүү үөрэҕириитин управлениетын начальнига, СӨ ыччат политикатыгар туйгуна.

Уһулуччулаах государственнай уонна политическай диэйэтэл, саха автономиятын төрүттэспит И.Н.Барахов төрөөбүтэ 120 сылыгар аналлаах «Биһиги – Саха Аптаныамыйатын төрүттэспит саха саарыннарын удьуор-сыдьааннарабыт» диэн Үөһээ Бүлүү улууһун Харбалаах нэһилиэгэр ыытыллыбыт төгүрүк остуолга кыттыыны ылбыт Нам, Таатта, Бүлүү, Ньурба уонна Үөһээ Бүлүү ыччатыгар киирбит этиилэр:

1. Эдэр ыччаттар уһулуччулаах государственнай уонна политическай диэйэтэллэр, саха Автономиятын төрүттэспит салайааччылары үйэтитиигэ тэрээһиннэри тиһигин быспакка ыыталларыгар.
2. Бырайыакка саха ыччата бииргэ түмсэн үлэлииллэрин курдук усулуобуйа оҥоруу.
3. Уһулуччулаах судаарыстыбаннай уонна бэлитиичэскэй диэйэтэллэр олохторун холобурун сиһилии үөрэтэргэ араас өрүттээх утумнаах үлэни оскуола оҕолоруттан саҕалаан ыытыахха.
4. Чулуу уолаттар ааттарынан түмсүүлэрин уопутун үллэстии, кэпсэтиини тэрийии.
5. Ыччат «Көҥүл» сөптөөх өйдөбүлүн иҥэринэрин иитэргэ олук охсуу.
6. Ыччат политическай өйө-санаата кэҥииригэр, олоххо бэлэмнээх, тус позициялаах буоларыгар үлэни былааннаһын.
7. Патриотизм тыына ииттиллэн тахсарыгар араас көҕүлүүр тэрээһиннэри ыытыы.
8. Ыччат инициативатын көҕүлээһин.
9. 2022 сылга Өрөспүүбүлүкэ тэриллибит 100 сыллаах үбүлүөйүгэр аналлаах рабочай бөлөх, салгыы Сойуус тэрийиэххэ.
10. Эдэр ыччат оҕолорго биэс чулуу дьоммут туһунан тиэрдэр, иҥэринэр үлэтин ыытарга. Үөһээ Бүлүү, Бүлүү, Ньурба ыччаттара кинилэр ааттарынан түмсүү тэринэн үлэлииллэригэр.
11. ХИФУ-га студеннарга аналлаах биэс улуус ыччатын кэнсиэрин кулун тутар ыйга тэрийии.
12. Аан ситими (интернет) туһаныыга бастакы хардыыны оҥоруу.
13. Кэлэр сылларга саха саарыннарын үбүлүөйдээх сыллара кэлэллэр. Онон сыл аайы маннык көрсөн ыччат туох үлэни ыыппытын отчуоттааһын, инники үлэни торумнааһын буолар.
14. Республика ыччатын түмэр үлэни чопчулаан ыытыахха.
15. Саха сиригэр олорор омуктарга толерантнай (бэйэ-бэйэҕэ тулуйумтуо буолар) сыһыаны олохтуур ньыманы толкуйдааһын.
16. Тыа сиригэр ыччаты хаалларарга, дьарыктаах буоларыгар өй-санаа өттүнэн бэлэмнээх буоларга иитиини саҕалыырга.
17. Ыччаттарга өйү тургутар араас интеллектуальнай оонньууну, спортивнай күрэхтэри тэрийэргэ (Үөһээ Бүлүү) холонуу.

Биэс улуус ыччатын этиитигэр олоҕуран маннык резолюция ылылынна:

1. Эдэр ыччаттар уһулуччулаах государственнай уонна политическай диэйэтэллэр, саха Автономиятын төрүттэспит салайааччылары үйэтитиигэ тэрээһиннэри тиһигин быспакка ыыталларыгар.
2. ХИФУ-га студеннарга аналлаах биэс улуус ыччатын кэнсиэрин кулун тутар ыйга оҥорорго.
3. 2022 сылга Өрөспүүбүлүкэ тэриллибит 100 сыллаах үбүлүөйүгэр аналлаах оробуочай бөлөх, салгыы Сойуус тэрийэргэ.
4. Атын киирбит этиилэри оробуочай бөлөх бэрээдэгинэн аттаран көрөн былаанныырыгар.

Тимофеева П.А., ыччат политикатыгар

 отделын  сүрүннүүр специалиһа,

Семенова Е.П.,

И.Н.Барахов аатынан түмэл үлэһитэ