П.А. Ойуунускай 125 сылын көрсө Чөркөөхтөөҕү Тааттыныскай Ньукуола таҥаратын дьиэтигэр олохтоох приход старостата Попов Н.Е. тэрээһининэн музей үлэһиттэрэ, Епархия столяра Кардашевскай Д.Р. таҥыыларынан иконостас туруорулунна.

Бу кэскиллээх үлэҕэ Саха Республикатын правительствотын Председателин урукку солбуйааччыта Дьячковскай А.П., үбүнэн көмө оҥорбут Мариинскай театр маэстрота В.А. Гергиев, Саха сиринээҕи православнай Епархия салалтата, чуолаан Епископ Роман, ООО «Монтажник» генеральнай директора Ханин А.М., Ем. Ярославскай аатынан Саха музейын салалтата,  чуолаан Шишигин Е.С., Ховров А.М. улахан көмөнү оҥордулар.

Чөркөөхтөөҕү историко-мемориальнай «Саха сиригэр политсыылка» музей салалтата көмөлөспүт, тэрээһиҥҥэ кыттыбыт бар дьоммутугар, үтүө дьыаланы оҥорбуттарыгар муҥура суох махталбытын тиэрдэбит.

Алтынньы 6 күнэ 2018 с.

Таатта, Чөркөөх